Qarabağın işğalında iştirak etmiş general baş katib oldu
Aprelin 14-ü Qırğızıstanın paytaxtı Bişkekdə Kollektiv Təhlükəsizlik Müqaviləsi Təşkilatının sammiti keçirilib.
Novator.az-ın məlumatına görə, erməni general Yuri Xaçaturov Kollektiv Təhlükəsizlik Müqaviləsi Təşkilatının baş katibi postuna təyin olunub. O, vəzifəsinin icrasına mayın 2-dən başlayacaq.
Yuri Xaçaturov 1952-ci ildə Gürcüstanda anadan olub. Tbilisi Artilleriya Komanda Məktəbinin məzunudur. Uzun illər sovet ordusunda qulluq edib. 1987-1989-cu illərdə Əfqanıstanda xidmət keçib.
1992-ci ildən Ermənistan ordusunda xidmətə başlayan Yuri Xaçaturov Azərbaycan torpaqlarının işğalında iştirak edib. General-polkovnikdir. 2008-ci ildən Ermənistan Silahlı Qüvvələri Baş Qərargahının rəisi olub. 2016-cı ilin oktyabrında Ermənistan Milli Təhlükəsizlik Şurasının katibi təyin edilib.
Kollektiv Təhlükəsizlik Müqaviləsi Təşkilatı 1992-ci ildə Rusiyanın təşəbbüsü ilə yaradılıb. Təşkilata Rusiya, Belarus, Ermənistan, Qazaxıstan, Qırğız Respublikası, Tacikistan daxildir.
