Müdafiə sənayesində 11,9 faiz artım var
Müdafiə Sənayesi Nazirliyinin tabeli müəssisələrində 2017-ci ilin birinci rübünün yekunlarına dair kollegiya iclası keçirilib. Aprelin 14-də yayılan rəsmi məlumata görə, nazir Yavər Camalovun sədrliyi ilə keçirilən iclasda bildirilib ki, yanvar-mart aylarında müdafiə təyinatlı məmulatların istehsalının həcmi 2016-cı ilin müvafiq dövrü ilə müqayisədə 11,9 faiz artıb. Əldə olunan artım ixrac əməliyyatları hesabına təmin edilib.
Hesabata əsasən, istehsal olunan məhsulların 87 faizini müdafiə və xüsusi təyinatlı, 13 faizini isə mülki təyinatlı məmulatlar təşkil edir. İstehsalı mənimsənilmiş müdafiə təyinatlı məmulatların çeşid sayı 1200-ə çatdırılıb.
