“Məktəbəqədər təhsil haqqında” qanun layihəsi qəbul edildi
Aprelin 14-də Milli Məclis “Məktəbəqədər təhsil haqqında” qanun layihəsini üçüncü oxunuşda qəbul edib (Layihə). AZƏRTAC xəbər verir ki, qanun layihəsi Azərbaycanda məktəb yaşına çatmamış uşaqların məktəbəqədər təhsilinin təmin olunması sahəsində dövlət siyasətinin prinsiplərini, məktəbəqədər təhsilin təşkilati-hüquqi və iqtisadi əsaslarını müəyyən edir.
Layihəyə əsasən, məktəbəqədər təhsil müəssisələrində tədris dili Azərbaycan dilidir. Uşaqlara Azərbaycan dilini öyrətmək və Azərbaycan dilində ünsiyyət bacarıqlarını inkişaf etdirmək şərti ilə məktəbəqədər təhsil digər dillərdə də aparıla bilər.
5 yaşlı uşaqların məktəbəqədər təhsil müəssisəsində təhsili mütləq sayılır.
