Dollar 10 gündə dördüncü dəfə ucuzlaşdı
Aprelin 14-də ABŞ dolları Azərbaycan manatına nəzərən yenə ucuzlaşıb, rəsmi kurs 1,7029 manatdan 1,7026 manata enib. Novator.az-ın məlumatına görə, bu, apreldə dördüncü azalmadır. Mərkəzi Bank aprelə 1,7244 manatla başlayıb, ayın 4-də məzənnə 1,7140 manata, ayın 7-də 1,7031 manata, ayın 12-də 1,7029 manata enib.
Digər valyutaların da çoxu bu gün dəyər itirib, amma Rusiya rublunun məzənnəsində yüksəliş qeydə alınıb. Avro banklara 1,8075, gürcü larisi 0,7118, ingilis funt sterlinqi 2,13, Rusiya rublu 0,0303, türk lirəsi 0,4645 manata təklif olunur (Məzənnələr).
2017-ci ildə dolların kursu 1,7707 manatla start götürüb. Yanvar ayında ən yuxarı rəsmi qiymət 1,9165 manat, fevral ayında 1,92 manat, mart ayında 1,7563 manat olub.
