Sənaye məhsulu istehsalı: ən yeni rəqəmlər
Yanvar-mart aylarında ölkə sənayesində 10 milyard manatlıq sənaye məhsulu istehsal edilib. Novator.az-ın məlumatına görə, Dövlət Statistika Komitəsi bildirir ki, bu, əvvəlki ilin müvafiq dövrü ilə müqayisədə 6,8 faiz azdır. Sənayenin qeyri-neft sektorunda məhsul istehsalı 2 faiz artıb, neft sektorunda isə 8,3 faiz azalıb.
Hesabatda bildirilir ki, sənaye məhsulunun 71,8 faizi mədən, 22,6 faizi emal, 4,9 faizi elektrik enerjisi, qaz və buxar istehsalı, bölüşdürülməsi və təchizatı, 0,7 faizi isə su təchizatı, tullantıların təmizlənməsi və emalı sektorunda istehsal olunub.
Mədən sektorunda neft hasilatı 9,9 faiz azalıb, əmtəəlik qaz hasilatı isə 0,9 faiz artıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 2,6 faiz artıb, su təchizatı, tullantıların təmizlənməsi və emalı sektorunda isə 0,7 faiz azalıb.
