İxracın 89,5 faizi neft və qazdır
Dövlət Gömrük Komitəsinin hesabatına görə, yanvar-mart aylarında Azərbaycanın ixracı 2016-cı ilin ilk üç ayına nisbətən 49,2 faiz artıb, idxal 17,12 faiz azalıb.
Novator.az bildirir ki, üç ayda ixracın 76,28 faizi xam neft olub. Neft məhsulları ümumi ixracın 3 faizini, təbii qaz 10,22 faizini təşkil edib.
Hesabata əsasən, ixracın 2,13 faizi meyvə-tərəvəz, 1,31 faizi plastmassa və onlardan hazırlanan məmulatlar, 1,14 faizi alüminium və ondan hazırlanan məmulatlardır (İxrac).
2017-ci ilin ilk üç ayında idxalın 21,5 faizi maşın, mexanizm, elektrik aparatları, avadanlıqlar və onların hissələri olub. Yeyinti məhsulları ümumi həcmin 19,74 faizini təşkil edib. Ümumi idxalın 9,93 faizi qara metallar və onlardan hazırlanan məmulatlardır (İdxal).
