“Elektron hökumət”ə müraciətlərin yarıdan çoxu bir nazirliyin payına düşür
Əmək və Əhalinin Sosial Müdafiəsi Nazirliyi bildirir ki, qurumun əhali üçün aktual olan iş sahələrində 30-a yaxın elektron xidmət vətəndaşların istifadəsindədir. Bu e-xidmətlərdən vətəndaşlar cari ilin yanvar-mart aylarında 2 milyon 606 min 638 dəfə faydalanıblar.
Hesabata görə, ilin birinci rübü ərzində “Elektron hökumət” portalına müraciətlərin (4 milyon 949 min 911 müraciət) yarıdan çoxu və ya 52,6 faizi Əmək və Əhalinin Sosial Müdafiəsi Nazirliyinin e-xidmətlərinin payına düşüb.
