Birinci rübdə ixrac artıb, idxal azalıb
Aprelin 13-də Dövlət Gömrük Komitəsi üç aylıq göstəriciləri yayıb. Novator.az-ın məlumatına görə, hesabatda bildirilir ki, yanvar-mart aylarında Azərbaycanın ticarət əməliyyatlarının həcmi 2016-cı ilin ilk üç ayına nisbətən 15,31 faiz artıb və 4 milyard 119 milyon dollara çatıb.
İxracda (2 milyard 606,3 milyon dollar) 2016-cı ilin ilk üç ayına nisbətən 49,2 faiz artım olduğu bildirilir.
İdxal ötən ilin müvafiq dövrünə nisbətən 17,12 faiz azalaraq 1 milyard 512,8 milyon ABŞ dolları olub.
Hesabata görə, yanvar-mart aylarında 149 ölkə ilə ticarət əməliyyatı aparılıb.
