Bəzi çaylarda suyun səviyyəsi artıb
Bu günlərdə yağan yağışlar nəticəsində bəzi çayların suyu artıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Novator.az-a verilən məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 150-210, Kiçik Qafqazın çaylarında 100-130, Lənkəran-Astara bölgəsi çaylarında 20-50 faizini təşkil edir.
Aprelin 10-da Kür çayının Qıraqkəsəmən məntəqəsində suyun səviyyəsində 6 santimetr artım müşahidə olunub.
Qanıx çayının Əyriçay məntəqəsində suyun səviyyəsi dəyişməyib.
Kür çayının Surra məntəqəsində 1, Şirvanda 22, Salyanda 20, Araz çayının Novruzlu məntəqəsində 5 santimetr azalma, Bankədə isə 7 santimetr artım qeydə alınıb.
Hazırda Surra məntəqəsində suyun səviyyəsi 375, Şirvanda 241, Salyanda 190, Bankədə 191, Araz çayının Novruzlu məntəqəsində 80 santimetrdir.
