Rayonlara qar yağıb. Xınalıqda qarın qalınlığı 30 santimetrə çatıb
Aprelin 9-u axşamdan ölkədə hava şəraiti dəyişib. Dağlıq rayonlara hətta qar yağıb. Qarın qalınlığı Xınalıqda 30, Qırızda 22, Şahdağda 20, Sarıbaşda 5, Daşkəsəndə 1 santimetrə çatıb.
Digər yerlərdə də hava qeyri-sabit keçib, aprelin 10-u səhərədək şimşək çaxıb, arabir yağış yağıb, qərb küləyi əsib. Düşən yağıntının miqdarı Bakıda və Abşeron yarımadasında 1-7, Böyük Qafqazda 3-38, Mərkəzi-Aran rayonlarında 2-29, Kiçik Qafqazda 9-10, Qazax-Gəncə zonasında 1-9, Naxçıvan Muxtar Respublikasında 1-7 millimetr olub.
Məlumat Novator.az-a Ekologiya və Təbii Sərvətlər Nazirliyinin mətbuat xidmətindən verilib.
