Türkiyədə dalğadan elektrik enerjisi almaq üçün iş aparılır
Türkiyədə su dalğalarından elektrik enerjisi alınması üçün işlərə başlanıb.
Novator.az-ın məlumatına görə, Cem Şimşək Enerji İnstitutunun yaydığı açıqlamada bildirilir ki, bu ideyanı reallaşdırmaq məqsədilə Zonquldağ Valiliyi, Bülənd Ecevit Universiteti, Qərbi Qaradəniz Bilik Alyansı (BAKKA) və Çevrə və Şəhərlilik Müdirliyinin iştirakıyla Avstriyanın məşhur “CSG Exploration and Production Services” enerji şirkəti ilə müqavilə imzalanıb. Müqavilədə dalğalardan elektrik enerjisi alınması imkanlarının öyrənilməsi və tətbiqi nəzərdə tutulur.
Plana görə, Zonquldağ ərazisində 25 məntəqəni elektrik enerjisi ilə təmin edəcək Dalğa Enerjisi Elektrik Stansiyası qurulmalıdır.
Artıq Avstriya şirkəti nümayəndələrinin Türkiyədə olduğu və planı həyata keçirmək üçün hazırlıq işlərinə başlandığı bildirilir.
