SOCAR-ın büdcə ödənişləri 122 faiz artıb
Dövlət Neft Şirkəti 2017-ci ilin mart ayında dövlət büdcəsinə 133 milyon 985 min manat vəsait ödəyib. Rəsmi hesabata görə, bu göstərici 2016-cı ilin mart ayı üzrə göstəricini 24 milyon 737 min manat və ya 122,6 faiz ötür.
Yanvar-mart aylarında SOCAR büdcəyə 396 milyon 643 min manat vəsait ödəyib, bu da ötən ilin analoji dövrü ilə müqayisədə 71 milyon 513 min manat və ya 122 faiz çoxdur.
SOCAR-ın Dövlət Sosial Müdafiə Fonduna üç aylıq ödənişi isə 36 milyon 268 min manat olub.
