Peşə hazırlığı və əlavə təhsil kursları hesabatı
Əmək və Əhalinin Sosial Müdafiəsi Nazirliyi peşə hazırlığı və əlavə təhsil kurslarının təşkili ilə bağlı hesabat yayıb. Rəsmi məlumata görə, 2017-ci ilin birinci rübündə nazirliyin xətti ilə 1226 nəfər şəxs kompüter istifadəçisi, kompüterçi-dizayner, kompüter mühasibliyi, dərzi, elektrik montyoru, mebel quraşdırıcısı, qənnadıçı, elektrik qaynaqçısı, avtomobil təmiri üzrə çilingər, əməliyyatçı mühasib, qazanxana maşinisti, toxucu, xalçaçı, bərbər və s. peşələr üzrə peşə hazırlığı və əlavə təhsil kurslarına cəlb olunub. 1192 nəfəri (o cümlədən 48 nəfər əlilliyi olan şəxsi) kurslara Dövlət Məşğulluq Xidməti, 34 nəfəri 1 saylı Sağlamlıq İmkanları Məhdud Gənclərin Peşə Reabilitasiya Mərkəzi qəbul edib. Mərkəzdə peşə hazırlığı dövründə sağlamlıq imkanları məhdud gənclər dövlət hesabına yataqxana, yemək, tibbi-fizioterapevtik xidmət və s. ilə də təmin olunublar.
Peşə hazırlığı və əlavə təhsil kurslarına cəlb edilən şəxslərin 82 nəfəri əlilliyi olan şəxslərdir.
Yanvar-mart aylarında nazirliyin məşğulluq orqanları əsasən orta ümumtəhsil məktəblərin yuxarı sinif şagirdləri arasında təşkil olunan peşəyönümü tədbirlərində 32 min 53 nəfər gəncə peşəyönümü məsləhətləri verib.
