Nazirlikdən xəbərdarlıq: hava soyuyacaq
Ekologiya və Təbii Sərvətlər Nazirliyinin Milli Hidrometeorologiya Departamenti xəbərdarlıq edir: aprelin 9-u axşam qərb rayonlarından başlayaraq ölkə ərazisində hava şəraiti dəyişəcək.
Aprelin 11-i gündüzədək hava qeyri-sabit olacaq, arabir yağış, dağlıq rayonlarda qar yağacaq, şimşək çaxacaq, dolu düşəcək. Qərb küləyi əsəcək, ayrı-ayrı yerlərdə arabir güclənəcək. Havanın temperaturu tədricən 4-7 dərəcə aşağı enəcək.
Milli Hidrometeorologiya Departamentinin xəbərdarlığı Novator.az-a Ekologiya və Təbii Sərvətlər Nazirliyinin mətbuat xidmətindən təqdim olunub.
