Ölü planetlər qlobal iqlim dəyişikliyinə mənfi təsir göstərir
Böyük Britaniya alimləri Mars yaxınlığında “ölü” planet qalıqları olduğunu müəyyən ediblər. Alimlərin fikrincə, qalıqları qalmış planetin məhvi qədim dövrlərə təsadüf edir.
Novator.az “Daily Mail” qəzetinə istinadla xəbər verir ki, Mars yaxınlığında ölü düşüb qalan planet Çilidəki nəhəng teleskopla müşahidə olunub.
Müşahidələrə görə, günəş ətrafında hərəkət edən və Marsın orbitində olan asteroidlər quru parçalardan ibarətdir. Alimlər belə parçalardan birinin 25 il öncə qeydə alındığını deyirlər. 2001 və 2007-ci illərdə Mars ətrafında daha iki ölü planet müşahidə edilmişdi.
Mütəxəssislər kosmosda baş verən belə proseslərin atmosferə, qlobal iqlim dəyişikliyinə mənfi təsir göstərdiyini deyirlər.
Alimlərin fikrincə, hazırda Marsın dövrəsində olan böyük mineral parçalar və qravitasiya zamanı günəşə doğru hərəkət edən 9 asteroid də səmada partlayıb müxtəlif hissələrə ayrılacaq. Lakin alimlər Yer planetini hələ ki, xüsusi bir təhlükənin gözləmədiyini deyirlər.
Bundan öncə bəzi avropalı mütəxəssislərin, o cümlədən bir sıra Britaniya alimlərinin Yer planeti ilə Marsın tezliklə toqquşacağı barədə verdiyi proqnozlar özünü doğrultmayıb.
