Ermənistanda ərzaq bahalaşıb
2017-ci ilin ilk rübündə (yanvar-mart ayları) Ermənistanda istehlak qiymətləri ötən ilin ilk üç ayı ilə müqayisədə 0,3% düşüb. Novator.az-ın məlumatına görə, hesabatı Milli Statistika Xidməti yayıb.
Hesabatda qeyd olunur ki, bu ilin ilk üç ayında Ermənistanda ərzaq malları 2,8% bahalaşıb. Qeyri-ərzaq mallarının qiymətləri 3,5%, əhaliyə göstərilən xidmətlərin qiymətləri 2,5% enib.
Bu ilin mart ayında ərzaq malları (alkoqollu içkilər və tütün məmulatları daxil olmaqla) ötən ilin mart ayı ilə müqayisədə 3,3% bahalaşıb. Qeyri-ərzaq malları və xidmətlərin qiymələri isə müvafiq olaraq 3,5% və 2,6% düşüb.
Ötən ili Ermənistan istehlak qiymətlərində 1,4% enişlə başa vurub. Bu il isə 4% inflyasiya proqnozlaşdırılır, ümumi daxili məhsulda 3,2% artım gözlənir.
