Avropa meydanlarında durum
Novator.az yenidən bəzi Avropa ölkələrinin futbol çempionatlarının gedişinə nəzər salıb.
İngiltərə çempionatında turnir cədvəlinə 72 xal yığan “Çelsi” başçılıq edir. 30 turdan sonra “Tottenhem” 65 xalla ikinci, bir oyun çox keçirmiş “Liverpul” 60 xalla üçüncüdür.
Almaniya çempionatında 27 turdan sonra turnir cədvəlinin önündə 65 xalla “Bavariya” durur. “Leypsiq” 55 xalla ikinci yerdə gedir. Üçüncü pillədə 51 xal toplayan “Hoffenhaym” qərarlaşıb.
İspaniyada 30 tur oynanıb. Bir oyun əskik keçirən “Real” 71 xalla zirvədədir. “Barselona” 69 xalla ikinci, “Atletiko” 61 xalla üçüncü pillənin sahibidir.
İtaliyada 30 turdan sonra “Yuventus” liderdir: 74 xal. “Roma” 68 xalla ikinci, “Napoli” 64 xalla üçüncü pillədədir.
Fransada 31 turun sonunda ehtiyatda bir oyunu olan “Monako” 71 xalla öndə gedir. Lideri izləyən PSJ (o da 30 oyun keçirib) 68 xal, “Nitsa” 67 xal toplayıb.
Hollandiya çempionatında “Feyenoord”, Portuqaliya çempionatında “Benfika”, Türkiyə çempionatında “Beşiktaş”, Rusiya çempionatında “Spartak”, Ukrayna çempionatında “Şaxtyor” öndə gedir.
Şotlandiyada isə lider “Seltik” ötən həftə çempionluğu təmin edib.
