Səudiyyə Ərəbistanı ilə hərbi əməkdaşlıq müzakirə olunub
Səudiyyə Ərəbistanına rəsmi səfər edən müdafiə naziri general-polkovnik Zakir Həsənov vəliəhdin varisi, Nazirlər Şurası sədrinin müavini, müdafiə naziri şahzadə Məhəmməd bin Salmanla görüşüb.
Mod.gov.az-ın 5 aprel məlumatına görə, görüşdə iki ölkə arasında hərbi, hərbi-texniki əməkdaşlıq, regional təhlükəsizlik və qarşılıqlı maraq doğuran digər məsələlər müzakirə olunub.
Müdafiə naziri İslam Hərbi Koalisiyası Mərkəzində də olub. Azərbaycan nümayəndə heyətinə qlobal terrorizmə qarşı mübarizəni əlaqələndirən mərkəzin fəaliyyəti barədə ətraflı məlumat verilib.
