Neytron ulduzlarda dağ müşahidə edilib
Varşava şəhərində yerləşən Kopernik adına Astronomik Tədqiqatlar Mərkəzinin əməkdaşları neytron ulduzlarda çox kiçik ölçüdə də olsa dağ müşahidə ediblər.
Neytron ulduzlar – əsasən neytronlardan ibarət hidrostatik tarazlıqda olan ulduzlardır. Kainatda 500-dən çox neytron ulduzun olduğu ehtimal edilir.
Novator.az-ın məlumatına görə, Astronomik Tədqiqatlar Mərkəzi əməkdaşlarının müşahidə etdiyi dağ əslində çox kiçik ölçüdədir. Onun bir neçə millimetr hündürlüyündə olduğu bildirilir. Alimlər neytron ulduzlarda kiçik ölçülü dağ silsiləsinin olduğuna əmindirlər.
Kosmosda “canlı bədən” adlandırılan neytron ulduzlar tamamilə öyrənilməsə də onlar bir çox cəhəti ilə tədqiqatçıların marağına səbəb olur. Bu ulduzlar ayrı-ayrılıqda bədən və ürəkdən (enerji mərkəzi) ibarətdir və təsir qabiliyyəti də məqamına görə fərqli nəticələr verir. Atom və elektronları “ürək mərkəzi”ndə basdıran neytron ulduz 10-20 kilometr radiusda hərəkət edir və atmosfer qatına hər hansı zərərli maddə, yaxud enerji dalğası buraxmır.
Neytron ulduzlar hərdən böyüyüb kiçilir. Alimlər bu ulduzların təxminən günəşlə eyni ölçüdə olduğunu ehtimal edirlər.
