Dəniz suyunu içməli suya çevirən qrafin hazırlanıb
Nobel mükafatı laureatı, tanınmış fizik Andrey Geym və digər Böyük Britaniya alimləri dəniz suyunun tərkibini tam dəyişə biləcək xüsusi filtrli qrafin hazırlayıblar.
Novator.az-ın məlumatına görə, bununla bağlı “Nature Nanotechnology” jurnalında yazı dərc edilib.
Yazıda bildirilir ki, qrafin dəniz suyundakı molekulları, natrium və xlor ionlarını, digər bir sıra komponentləri bir-birindən ayırmaqla onu şirin suya çevirir.
İngiltərənin Mançester Universitetinin əməkdaşı Raul Nair görülən işin bəşəriyyətə böyük fayda verəcəyinə əmindir. Bu məsələni indiki zamanda çox aktual sayan Andrey Geymin alim həmkarları ixtiranı qlobal iqlim dəyişikliyi ilə bağlı səslənən həyəcanlı proqnozlarla əsaslandırırlar.
Birləşmiş Millətlər Təşkilatının hesabatına görə, 2025-ci ilədək dünya əhalisinin 14 faizi içməli su problemi ilə üzləşəcək.
Andrey Grem və həmkarları deyirlər ki, kimyaçılar haqlı olaraq yüz ildən çoxdur dəniz suları maddələrində xeyli dəyişiklik əmələ gəldiyini bildirirlər və bu, gələcəkdə “ağıllı” içməli suyun yaradılması tendensiyasına yol açır. Tez-tez dəniz sularında duzluluğun azalması hallarına rast gəlinir ki, bu da həmin suyun şirinləşdirilməsinə əngəl yaradan bəzi amillərin aradan qaldırılmasını asanlaşdırır.
Andrey Grem və həmkarları xüsusi qrafinlə buna nail olduqlarını və dəniz suyunu içməyə yararlı molekullarla zəngin suya çevirə bildiklərini söyləyirlər.
