Silahlı Qüvvələrə Yardım Fondunun vəsaiti açıqlanıb
Silahlı Qüvvələrə Yardım Fonduna daxil olan vəsaitin məbləği açıqlanıb. Müdafiə Nazirliyi bildirir ki, aprelin 1-nə fondda 81,1 milyon manat, 212,7 min ABŞ dolları, 6,8 min avro və 5 min rubl vəsait olub.
Silahlı Qüvvələrə Yardım Fondu 2002-ci ildə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
