Sankt-Peterburq metrosunda partlayış FOTO, VİDEO
Aprelin 3-ü Rusiyanın Sankt-Peterburq şəhərinin metrosunda iki dəfə partlayış olub.
Hadisə “Sennaya ploşad” və “Texnologiya İnstitutu” stansiyalarında baş verib.
İlkin məlumata görə, ən azı 10 nəfər həlak olub, 50 nəfər yaralanıb.
Sankt-Peterburqun bütün metro stansiyaları bağlanıb.
Hazırda Sankt-Peterburqda səfərdə olan Rusiya prezidenti Vladimir Putin bəyan edib ki, hadisənin terror aktı olduğunu istisna etmir.
Azərbaycanın Sankt-Peterburqdakı baş konsulu Sultan Qasımov “Report”a deyib ki, hadisə yerindən əldə edilən ilkin məlumatlara görə, ölən və yaralananlar arasında azərbaycanlı yoxdur.
