Çimərlik turizminin inkişafı planı
Prezident İlham Əliyev ölkədə çimərlik turizminin inkişafına dair tədbirlər planını təsdiq edib. 2017-2020-ci illər üçün nəzərdə tutulan plan Xəzər dənizinin Azərbaycana mənsub bölməsindən turizm məqsədləri üçün daha səmərəli istifadəni təmin etmək məqsədi daşıyır.
Novator.az xəbər verir ki, tədbirlər planının icrasını əlaqələndirmək Mədəniyyət və Turizm Nazirliyinə tapşırılıb. Planda çimərliklərə dair hüquqi bazanın təkmilləşdirilməsi, çimərliklərdə infrastrukturun yaradılması və təkmilləşdirilməsi, çimərlik operatorlarının fəaliyyətinin tənzimlənməsi, təhlükəsizlik, ətraf mühiti mühafizə tədbirləri, çimərliklərə dair informasiya bazasının yaradılması və çimərlik turizminin təşviqi ilə bağlı görüləcək işlər öz əksini tapıb.
