Müharibə əlilləri və şəhid ailələri yeni evlər aldı
Əmək və Əhalinin Sosial Müdafiəsi Nazirliyi Tərtər rayonunda inşa edilmiş 5 fərdi yaşayış evini Qarabağ müharibəsi əlilləri və şəhid ailələrinin istifadəsinə verib. Martın 30-da yayılan rəsmi məlumata görə, 2 ev Qarabağ müharibəsi əlillərinə, 3-ü şəhid ailələrinə təqdim olunub.
Qeyd olunur ki, 2015-ci ildə 82-si fərdi yaşayış evi olan 281, 2016-cı ildə 170-i fərdi yaşayış evi olan 288, ümumilikdə isə 2015-2016-cı illərdə 570-ə yaxın mənzil Qarabağ müharibəsi əlilləri və şəhid ailələrinin istifadəsinə verilib.
Cəbhə bölgəsində yerləşən Tərtər rayonunda 2015-2016-cı illərdə Qarabağ müharibəsi əlilləri və şəhid ailələri təbəqəsindən olan 60 nəfərədək insan mənzillə təmin olunub.
