Güzəştli kreditlərin məbləği 20 milyon manatı ötüb
İqtisadiyyat Nazirliyinin Sahibkarlığa Kömək Milli Fondu martın 30-u Cəlilabadda işgüzar forum keçirib. Rəsmi məlumata görə, tədbirdə Lənkəran iqtisadi rayonunda fəaliyyət göstərən sahibkarlara 226 min manat güzəştli kredit verilib. Məbləğin əsasən heyvandarlıq, arıçılıq, çayçılıq, üzümçülük sahələrinin inkişafına yönəldiləcəyi və 30-a yaxın yeni iş yerinin açılmasına imkan verəcəyi bildirilir.
Məlumat verilib ki, bu il 90-a yaxın sahibkarlıq subyekti 20,7 milyon manat güzəştli kredit alıb.
Hesabata görə, indiyədək Lənkəran iqtisadi rayonunda fəaliyyət göstərən sahibkarlıq subyektlərinin 3000-dən çox investisiya layihəsinin maliyyələşdirilməsinə 118,6 milyon manat güzəştli kredit ayrılıb.
