Avstraliyada qasırğa: küləyin sürəti saatda 260 kilometrə çatır
NASA Avstraliya istiqamətində hərəkətə keçən “Debbi” qasırğasının video çəkilişini paylaşıb.
Novator.az xəbər verir ki, “Debbi” tropik qasırğası martın 28-dən Kvislend ştatında tüğyan edir. Tropik qasırğa xeyli dağıntıya və bir nəfərin ölümünə səbəb olub.
Avstraliya Milli Meteoroloji Bürosunun məlumatına görə, qasırğanın episentrində tüğyan edən küləyin sürəti saatda 260 kilometrə çatır. Hökumət nümayəndələri fəlakətin səbəbini Kvislend ştatındakı dərin sürüşmə ilə əlaqələndirsələr də, bəzi mütəxəssislər fərqli fikirdədir.
“Debbi” tropik qasırğasının vurduğu ziyanı aradan qaldırmaq və bununla bağlı təhlükəsizlik tədbirləri görmək üçün 30 min sakin təxliyyə olunub.
Kvislend ştatının polis komissarı İena Stuart deyib ki, onlar qasırğadan öncə mütəxəssislərin tövsiyəsinə əməl edərək fövqəladə vəziyyət şəraitində işləmək qərarına gəliblər ki, bu da qasırğa qurbanlarının sayının çoxalmasının qarşısını ala bilib.
