Amerika Monteneqronun NATO-ya yolunu açdı
ABŞ Senatı Monteneqronun NATO-ya üz olmasını nəzərdə tutan protokolu təsdiqləyib. Novator.az-ın məlumatına görə, martın 28-də sənəd imzalanmaq üçün prezident Donald Trampa göndərilib.
Monteneqro NATO-da müşahidəçi statusundadır. NATO ölkələrinin xarici işlər nazirləri ötən il mayın 19-da Monteneqronun alyansa qəbul edilməsi haqda protokol imzalayıblar. Alyansa daxil olan ölkələr protokolu ratifikasiya etdikdən sonra Monteneqro NATO-nun 29-cu üzvü ola bilər.
1949-cu ildə yaradılmış NATO-ya hazırda 28 ölkə daxildir: ABŞ, Kanada, Türkiyə, İslandiya, Almaniya, Belçika, Norveç, Bolqarıstan, Böyük Britaniya, Çexiya, Danimarka, Estoniya, Fransa, Xorvatiya, İspaniya, İtaliya, Latviya, Litva, Lüksemburq, Macarıstan, Niderland, Polşa, Portuqaliya, Rumıniya, Slovakiya, Sloveniya, Yunanıstan, Albaniya.
