Hərracda ən yüksək qiymət 180 min manat oldu
Əmlak Məsələləri Dövlət Komitəsi martın 28-də hərrac keçirib. Rəsmi məlumata görə, hərracda 14 dövlət əmlakı özəlləşdirilib.
Paytaxtın Binəqədi rayonunda yerləşən kiçik dövlət müəssisə və obyekti 180 min manata satılıb. Bu, hərracda qeydə alınan ən yüksək qiymətdir. Suraxanı rayonunun Hövsan qəsəbəsində yerləşən “Qərənfil” kafesi isə 121 min 250 manata özəlləşdirilib.
Regionlarda ən yüksək qiymətə özəlləşdirilən əmlak Gəncə şəhərindəki 2 saylı avtomobil dayanacağı olub. Əmlaka 89 min manat verilib.
