Özünüməşğulluq: 21 rayon üzrə 269 nəfərə aktivlər verilib
Özünüməşğulluq proqramı çərçivəsində işsiz və işaxtaran şəxslərin ailə təsərrüfatları üçün aktivlərlə (mal və materiallarla) təminatı davam etdirilir. Martın 27-nə olan məlumata əsasən, Əmək və Əhalinin Sosial Müdafiəsi Nazirliyi 21 rayon üzrə 269 nəfər işsiz və işaxtaran şəxsə aktivlər alıb verib.
Tərtər rayonu üzrə 18 nəfər, Laçın rayonu üzrə 12 nəfər, Hacıqabul rayonu üzrə 8 nəfər, Ağcabədi rayonu üzrə 15 nəfər, Beyləqan rayonu üzrə 14 nəfər, Xocavənd rayonu üzrə 10 nəfər, Bərdə rayonu üzrə 21 nəfər, Qəbələ rayonu üzrə 14 nəfər, Ağdam rayonu üzrə 32 nəfər, İsmayıllı rayonu üzrə 13 nəfər, Göyçay rayonu üzrə 11 nəfər, Ağsu rayonu üzrə 5 nəfər aktivlərlə təmin olunub.
Yevlax rayonu üzrə 15 nəfərin, Füzuli rayonu üzrə 20 nəfərin, Cəbrayıl rayonu üzrə 12 nəfərin, Saatlı rayonu üzrə 8 nəfərin, Biləsuvar rayonu üzrə 9 nəfərin, Şirvan şəhəri üzrə 12 nəfərin, Lerik rayonu üzrə 7 nəfərin, Yardımlı rayonu üzrə 5 nəfərin, Neftçala rayonu üzrə 8 nəfərin ailə bizneslərini qurmaları üçün mal və materiallarla təminatı həyata keçirilib.
Yaxın bir neçə gündə daha 120 nəfərdən çox şəxsə mal və materiallar təqdim olunacaq. Ümumilikdə 1500 nəfərə yaxın şəxsin ailə bizneslərini qurmalarına imkan yaradacaq proqramın icrası işlərinin yaxın aylar ərzində başa çatdırılması planlaşdırılır.
Özünüməşğulluq proqramına cəlb olunanlar 2016-cı il aprelin 1-dək məşğulluq mərkəzlərində işsiz və işaxtaran kimi qeydiyyatda olan vətəndaşlardır.
