Azərbaycanın qrupunda vəziyyət
Dünya futbol çempionatının seçmə mərhələsi davam edir. Avropa zonasının C qrupunda yarışan Azərbaycan milli komandası martın 26-sı Bakıda dördqat dünya çempionu Almaniya ilə görüşüb. Oyun 4:1 hesabı ilə qonaqların xeyrinə bitib.
Novator.az-ın məlumatına görə, Şimali İrlandiya evdə Norveçi (2:0), Çexiya səfərdə San Marinonu (6:0) yenib.
5 turdan sonra turnir cədvəlinə 15 xalla almanlar başçılıq edir. Şimali İrlandiya 10 xalla ikinci, çexlər 8 xalla üçüncü, Azərbaycan 7 xalla dördüncü yerdədir.
2018-ci ildə Rusiyada keçiriləcək final mərhələsinə qrup qalibi birbaşa vəsiqə alacaq, ikinci yeri tutan komanda isə bunun üçün əlavə oyunlar şansı qazanacaq.
