Orta əməkhaqqı 505 manata yaxınlaşıb
Dövlət Statistika Komitəsi iqtisadiyyatda işləyənlərin sayı və əməkhaqqı barədə hesabat yayıb. Novator.az-ın məlumatına görə, 2017-ci il fevralın 1-nə ölkə iqtisadiyyatında muzdla çalışan işçilərin sayı 1 milyon 510,4 min nəfər olub, onlardan 883 min nəfəri iqtisadiyyatın dövlət sektorunda, 627,4 min nəfəri qeyri-dövlət sektorunda fəaliyyət göstərib.
2017-ci ilin yanvar ayında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 5,1 faiz artaraq 504,8 manat olub.
