İtkin neftçiləri axtaran qərargahdan rəsmi bilgi
Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Neft Şirkəti və Azərbaycan Xəzər Dəniz Gəmiçiliyi ilə birgə yaradılmış qərargah yeni məlumat yayıb. Xəzər dənizində axtarış əməliyyatları aparan qərargah bildirir ki, martın 13-ü dənizdə tapılmış kişi meyitinin “Azneft” İstehsalat Birliyinin Nəriman Nərimanov adına Neft-Qaz Çıxarma İdarəsində nasos qurğularının maşinisti vəzifəsində çalışmış 1970-ci il təvəllüdlü Abbasov Ramiz Qulu oğlunun meyiti olduğu müəyyən edilib.
Novator.az xatırladır ki, ötən il dekabrın 15-də güclü külək Nəriman Nərimanov adına Neft-Qaz Çıxarma İdarəsinin Xəzər dənizindəki bir estakadasını dənizə uçurub, 10 neftçi batıb. Martın 13-dək 5 şəxsin meyiti tapılmışdı.
