Havar Məmmədov Bakı Mühəndislik Universitetinin rektoru təyin edildi
Martın 16-da prezident İlham Əliyevin sərəncamı ilə Havar Məmmədov Bakı Mühəndislik Universitetinin rektoru təyin edilib.
Havar Məmmədov 2000-2016-cı illərdə Azərbaycan Texniki Universitetinin rektoru olub. Sonra o, qısa müddət ərzində Qafqaz Universitetinə rektorluq edib.
Qafqaz Universiteti 2017-ci ilin yanvarında ləğv edilib.
Yeni yaradılan Bakı Mühəndislik Universiteti Qafqaz Universitetinin yerləşdiyi binada fəaliyyət göstərir.
Təhsil Nazirliyinin tabeliyində fəaliyyət göstərən Bakı Mühəndislik Universiteti 2016-cı ilin noyabrında prezident İlham Əliyevin sərəncamı ilə yaradılıb.
