Ekoloji qərar: “Sumqayıt Bulvar” yaradıldı
Nazirlər Kabineti Sumqayıt Şəhər İcra Hakimiyyəti başçısının tabeliyində “Sumqayıt Bulvar” Məhdud Məsuliyyətli Cəmiyyətinin yaradılmasına qərar verib. Novator.az-ın məlumatına görə, qərar Sumqayıt şəhərindəki dənizkənarı bulvarın infrastrukturunun qorunub saxlanılması, ekoloji təhlükəsizliyinin təmin edilməsi, habelə onun idarəetmə sisteminin təkmilləşdirilməsi, ərazidə nəzarətin təmin edilməsi zərurəti ilə əsaslandırılıb.
“Sumqayıt Bulvar” Məhdud Məsuliyyətli Cəmiyyətinin idarəetmə aparatının işçilərinin say həddi 10 ştat vahidi müəyyən edilib.
Əmlak Məsələləri Dövlət Komitəsinə “Sumqayıt Bulvar”ın nizamnaməsinin təsdiq edilməsi və dövlət qeydiyyatına alınması üçün tədbirlər həyata keçirmək tapşırılıb.
Yeni qurumun cari ildə saxlanması üçün 2017-ci ilin dövlət büdcəsinin ehtiyat fondundan 300 min manat vəsait ayrılıb.
