ABŞ pulu yenə bahalaşdırdı
ABŞ-ın mərkəzi bankı olan Federal Ehtiyat Sistemi (FES) martın 15-də uçot dərəcəsini 0,5-0,75%-dən 0,75-1%-dək artırıb.
Novator.az bildirir ki, uçot dərəcəsi kommersiya banklarına verilən borclar üzrə faiz dərəcəsidir. FES ötən il dekabrın 14-də uçot dərəcəsinin 0,25% artırılması barədə qərar çıxarmış, yuxarı hədd 0,5 faizdən 0,75%-ə yüksəlmişdi.
2015-ci il dekabrın 16-da isə uçot dərəcəsinin yuxarı həddi 0,25%-dən 0,5 faizə qalxmış, bu, digər valyutalara, o sıradan Azərbaycan manatına təzyiqi artırmış, dolların rəsmi kursu birdən-birə 50 qəpik yüksəlmişdi.
