Putinlə Sərkisyan görüşüb
Martın 15-i Moskvada Rusiya və Ermənistan prezidentləri Vladimir Putinlə Serj Sərkisyanın görüşü olub.
Novator.az-ın məlumatına görə, Kremldə keçirilən görüşdə ikitərəfli əməkdaşlıq məsələləri və Avrasiya məkanında inteqrasiya perspektivləri müzakirə olunub.
Putin rəsmi səfərə gəlmiş Sərkisyanı və nümayəndə heyətini salamlayaraq qeyd edib ki, aprelin 3-də iki ölkənin diplomatik münasibətlər qurmasının 25 ili tamam olur: “Bu illər ərzində Rusiya-Ermənistan münasibətləri sözün tam mənasında müttəfiqlik xarakteri alıb. Biz demək olar bütün istiqamətlər üzrə işbirliyi, o cümlədən beynəlxalq təşkilatlarda sıx əməkdaşlıq qurmuşuq. Ermənistanla Rusiyanın münasibətlərinin keçmişə, əsrlərə dayanan dərin kökləri var. Bu əməkdaşlıq ruhu indiki mərhələdə də davam edir”.
Aprelin 2-si Ermənistanda parlament seçkisi keçiriləcəyini xatırladan Putin Yerevana uğurlar hazırlayıb.
Rusiya prezidentinə dəvətə görə təşəkkür edən Sərkisyan deyib ki, iki ölkənin əməkdaşlığı daim zənginləşir: “Bu 25 ildə biz sıx əməkdaşlıq edərək əsl müttəfiqlik mərhələsinə gəlib çata bilmişik”.
