Rusiyada güclü daşqınlar gözlənir
Rusiyada güclü daşqınlar gözlənir. Novator.az-ın məlumatına görə, Rusiya Hidrometeorologiya və Ətraf Mühitin Monitorinqi üzrə Federal Xidmətin rəhbəri Aleksandr Frolov martın 14-də belə açıqlama verib.
Son günlər Rusiyanın Mərkəzi və Cənub federal dairələri ərazisində havanın hərarətinin normadan artıq yüksəlməsi qarın sürətlə əriməsinə səbəb olub. Həmin ərazilərdə alçaq körpülər su altında qalıb.
Aleksandr Frolov açıqlamasında Sibir Federal Dairəsini ən problemli zona kimi qiymətləndirib. O bildirib ki, hazırda Rusiya ərazisində hava vaxtından qabaq, 20-25 gün tez isinməyə başlayıb. Ona görə də bu il ən yüksək daşqınlar gözlənir.
Frolov qeyd edib ki, indi Rusiyada son 100 ilin ən anomal hava durumu hökm sürür.
