Novruz Məmmədov yubileyində təltif edildi
Dövlət başçısı İlham Əliyev Prezident Administrasiyası rəhbərinin müavini, xarici əlaqələr şöbəsinin müdiri Novruz Məmmədovu “Şərəf” ordeni ilə təltif edib. Təltif Novruz Məmmədovun Azərbaycanın beynəlxalq əlaqələrinin möhkəmləndirilməsi sahəsində səmərəli fəaliyyəti ilə əsaslandırılıb.
Novator.az bildirir ki, martın 15-də Novruz Məmmədovun 70 yaşı tamam olur.
Novruz Məmmədov 1947-ci ildə Babək rayonunun Şıxmahmud kəndində doğulub. İndiki Azərbaycan Dövlət Dillər Universitetini bitirib, bu ali təhsil ocağında müxtəlif vəzifələrdə çalışıb, Əlcəzairdə və Qvineyada tərcüməçi işləyib.
1997-ci ildən Prezident Administrasiyasının xarici əlaqələr şöbəsinin müdiri, 2012-ci ildən eyni zamanda Prezident Administrasiyası rəhbərinin müavinidir.
Filologiya elmləri namizədi, 1-ci dərəcəli dövlət müşaviridir.
1998-ci ildə Fransanın “Fəxri Legion” ordeni, 2007-ci ildə Azərbaycanın “Şöhrət” ordeni ilə təltif olunub.
