Manat nə vaxt neçə faizə satılıb?
Novator.az Mərkəzi Bankın 2006-cı ildən bəri manatı kommersiya banklarına hansı faiz dərəcəsi (uçot dərəcəsi) ilə satmasına nəzər salıb.
2 iyul 2006-cı ildən uçot dərəcəsi 9,5% müəyyən olunub və yüksələn xətlə gedib: 1 aprel 2007-ci ildən 12%-ə, 1 iyun 2007-ci ildən 13%-ə, 9 aprel 2008-ci ildən 14%-ə, 8 iyun 2008-ci ildən 15%-ə qalxıb.
Daha sonra ucuzlaşma dalğası başlayıb: uçot dərəcəsi 13 oktyabr 2008-ci ildən 12%-ə, 30 oktyabrdan 10%-ə, 30 noyabrdan 8%-ə düşüb.
Düşmə 2009-cu ildə də davam edib: 1 fevraldan 5%, 1 martdan 3%, 24 maydan 2% olub.
Sonrakı dəyişmələr belədir: 31 oktyabr 2010-dan 3%, 28 fevral 2011-dən 5%, 5 may 2011-dən 5,25%, 10 dekabr 2012-dən 5%, 11 fevral 2013-dən 4,75%, 1 may 2014-dən 4,25%, 30 iyul 2014-dən 3,5%, 13 iyul 2015-dən 3%.
3%-lik uçot dərəcəsi 2016-cı il fevralın 15-dək qüvvədə olub. Həmin gün Mərkəzi Bank uçot dərəcəsini 5% müəyyən edib. 2016-cı il martın 4-də uçot dərəcəsi 7%-ə, avqustun 8-də 9,5%-ə qaldırılıb.
Son yenilənməni Mərkəzi Bank 14 sentyabr 2016-cı ildə edib, uçot dərəcəsi 15%-ə yüksəlib.
