Müharibə əlillərinə evlər verildi
Əmək və Əhalinin Sosial Müdafiəsi Nazirliyi Şəmkir rayonunda inşa olunmuş 3 fərdi yaşayış evini Qarabağ müharibəsi əlillərinə təqdim edib. Martın 10-da yayılan rəsmi məlumata görə, evlərin təqdimat mərasimində çıxış edən Dövlət Sosial Müdafiə Fondunun direktor müavini Səfər Mehdiyev deyib ki, 2015-2016-cı illərdə Əmək və Əhalinin Sosial Müdafiəsi Nazirliyi Bakı şəhəri və bölgələr üzrə ümumilikdə 569 nəfər Qarabağ müharibəsi əlili və şəhid ailəsinə mənzil verib.
Hazırda bu təbəqələrdən olan vətəndaşlar üçün fərdi və çoxmənzilli yaşayış evlərinin tikintisi, həmçinin hazır yaşayış binalarından mənzillərin tender yolu ilə alınması və təmir etdirilməsi işləri davam etdirilir. Şəmkir rayonunda da yeni fərdi evlər inşa olunmaqdadır.
