Bu il sahibkarlara 40,2 milyon manat güzəştli kredit verilib
Sahibkarlığa Kömək Milli Fondu martın 10-u Qaxda işgüzar forum keçirib. İqtisadiyyat Nazirliyinin rəsmi məlumatına görə, 70-ə yaxın sahibkarın iştirak etdiyi forumda sahibkarlara 224 min manat güzəştli kredit verilib. Kreditlərin əsasən heyvandarlıq, arıçılıq, taxılçılıq, bağçılıq sahələrinin inkişafına yönəldiləcəyi bildirilir.
Qeyd olunub ki, bu il ölkədə sahibkarlıq subyektlərinin 380 investisiya layihəsinin maliyyələşdirilməsinə 40,2 milyon manat güzəştli kredit verilib, bununla da 700-ə yaxın yeni iş yerinin yaradılmasına imkan yaradılıb.
Ümumilikdə indiyədək Şəki-Zaqatala iqtisadi rayonunda fəaliyyət göstərən sahibkarlıq subyektlərinin 2100-ə yaxın investisiya layihəsinin maliyyələşdirilməsinə 98,3 milyon manat güzəştli kredit ayrılıb.
