Dənizdən tapılan şəxsin neftçi olduğu dəqiqləşib
Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Neft Şirkəti və Azərbaycan Xəzər Dəniz Gəmiçiliyi ilə birgə yaradılmış qərargah martın 4-də “Azneft” İstehsalat Birliyinin Nəriman Nərimanov adına Neft-Qaz Çıxarma İdarəsinin 3 saylı neft yığım məntəqəsinin estakadasının uçduğu ərazinin yaxınlığında kişi meyiti aşkar etmişdi.
Qərargahın 7 mart məlumatına görə, tapılan şəxs Nəriman Nərimanov adına Neft-Qaz Çıxarma İdarəsində avadanlığın təmiri və xidməti üzrə mexanik vəzifəsində çalışmış 1957-ci il təvəllüdlü Həsənov Elçin Yaqub oğludur.
Ötən il dekabrın 15-də güclü külək estakadanı dənizə uçurub, 10 neftçi batıb. Martın 4-dək 4 şəxsin meyiti tapılmışdı.
