Mandata xitam verildi
Mərkəzi Seçki Komissiyası martın 6-da iclas keçirib. Novator.az-ın məlumatına görə, iclasda vitse-prezident Mehriban Əliyevanın ərizəsi əsasında onun deputat mandatına xitam verilməsi haqqında qərar qəbul edilib.
Mehriban Əliyeva 14 saylı Xəzər dairəsinin deputatı idi. O, fevralın 21-də birinci vitse-prezident təyin edilib. Konstitusiyanın 89-cu maddəsinə əsasən, dövlət orqanlarında vəzifə tutan şəxs Milli Məclisin deputatı səlahiyyətini itirir.
