Yevlaxda güzəştli kreditlər verildi
İqtisadiyyat Nazirliyinin Sahibkarlığa Kömək Milli Fondu martın 2-si Yevlax rayonunun Yuxarı Bucaq kəndində işgüzar forum keçirib. Tədbirdə Yevlax və ətraf rayonlardan olan sahibkarlıq subyektləri 790 min manat güzəştli kredit alıb. Kreditlər əsasən heyvandarlıq, pambıqçılıq, plastik boru istehsalı və s. sahələrin inkişafına yönəldiləcək, bu hesaba 40-dan çox yeni iş yerinin açılması mümkün olacaq.
80-nə yaxın sahibkarın iştirak etdiyi forumda danışan Sahibkarlığa Kömək Milli Fondunun icraçı direktoru Şirzad Abdullayev deyib ki, indiyədək Yevlax rayonundan olan 1100-dən çox sahibkara 34,3 milyon manat güzəştli kredit verilib. Ümumilikdə Aran iqtisadi rayonunda fəaliyyət göstərən sahibkarlıq subyektlərinin 12800-dən çox investisiya layihəsinə 514,3 milyon manat güzəştli kredit ayrılıb.
Xəbəri Economy.gov.az yayıb.
