Valyuta ehtiyatında artım, pul bazasında azalma var
Mərkəzi Bank valyuta ehtiyatı və pul bazası barədə hesabat açıqlayıb. Novator.az bildirir ki, hesabata görə, martın 1-nə valyuta ehtiyatı 4 milyard 369,3 milyon dollar həcmindədir.
Bir ayda valyuta ehtiyatı 42,1 milyon dollar artıb. Fevralın 1-nə Mərkəzi Bankın 4 milyard 327,2 milyon ABŞ dolları həcmində valyuta ehtiyatı vardı.
Pul bazasının həcmi isə 344,7 milyon manat azalaraq 6 milyard 987 milyon manata düşüb. Ötən ayın 1-nə pul bazasının həcmi 7 milyard 331,7 milyon manat idi.
