Elmar anılıb
Jurnalist Elmar Hüseynovun qətlindən 12 il ötür. Bastainfo.com-un məlumatına görə, müxalifət liderləri, hüquq müdafiəçiləri, ictimai fəallar və media təmsilçiləri Elmar Hüseynovu məzarı başında anıblar.
Mərasimdə Müsavat başqanı Arif Hacılı, Milli Strateji Düşüncə Mərkəzinin rəhbəri İsa Qəmbər, AXCP sədri Əli Kərimli, Milli Şuranın sədri Cəmil Həsənli, jurnalistlər Şahbaz Xuduoğlu, Mehman Əliyev, Alya Yaqublu, bloqçu Mehman Hüseynov və digərləri çıxış ediblər.
Tədbirdə oxunan qətnamədə Elmar Hüseynovun qatillərinin cəzalanması, həbsdəki jurnalistlərin azad olunması, ölkədə söz azadlığının təmin edilməsi tələb edilir.
1967-ci ildə Bakıda anadan olan Elmar Hüseynov jurnalistikaya 1990-cı illərin əvvəllərində gəlib. Bir neçə rusdilli media quruluşunda çalışan Elmar Hüseynov sonra “Monitor” jurnalını təsis edib, onun baş redaktoru olub.
Elmar Hüseynov 2005-ci il martın 2-də Bakıda odlu silahla qətlə yetirilib. İndiyədək qətlin üstü açılmayıb, cinayətin sifarişçiləri və icraçıları həbs edilməyib.
Jurnalist Bakıdakı Qurd qapısı qəbiristanlığında dəfn olunub.
Şəkillər Abzas.net saytına məxsusdur
