Cəza 1 il azaldıldı
Martın 2-də Ali Məhkəmə Qarabağ müharibəsi əlili, AXCP Ali Məclisi Rəyasət Heyətinin üzvü Asif Yusiflinin cəzasını 6 ildən 5 ilə endirib.
Asif Yusifli 2014-cü il noyabrın 25-də dələduzluq və sənədlərin saxtalaşdırılması ittihamı ilə tutulub. Bakı Ağır Cinayətlər Məhkəməsi ona 7 il 6 ay müddətinə azadlıqdan məhrumetmə cəzası kəsib, Ali Məhkəmə cəzanı 6 ilə azaldıb.
“Azadlıq” radiosunun məlumatına görə, Cinayət Məcəlləsində edilmiş dəyişiklikdən sonra Asif Yusifliyə ittiham yüngülləşib, amma Nizami Rayon Məhkəməsi hökmü əvvəlki kimi saxlanıb. Vəkillərin hökmün dəyişdirilməsi istəyini Bakı Apellyasiya Məhkəməsi də rədd edib.
Ali Məhkəmə martın 2-də vəkillərin şikayətinə baxaraq Asif Yusiflinin cəzasının 6 ildən 5 ilə endirilməsinə qərar verib.
