Balıq artırılması və mühafizəsində yeniliklər
Vətəgə əhəmiyyətli balıqların artırılması və mühafizəsi haqqında yeni rəsmi məlumat var. Novator.az Dövlət Statistika Komitəsinə istinadla bildirir ki, 2016-cı ildə ölkədə vətəgə əhəmiyyətli balıqların artırılması və mühafizəsi işlərinin yerinə yetirilməsinə 2 milyon 940,5 min manat və ya 2015-ci illə müqayisədə 11,8 faiz çox vəsait sərf olunub. Həmin vəsaitin 92,1 faizi süni balıqartırma müəssisələrinin fəaliyyətinə, 7,9 faizi isə balıqçılıq təsərrüfatları üzrə meliorasiya tədbirlərinin həyata keçirilməsi işlərinə xərclənib.
Ötən il vətəgə əhəmiyyətli balıqların artırılması və mühafizəsi ilə məşğul olan təsərrüfatların təbii su hövzələrinə və anbarlarına buraxdığı 406,4 milyon ədəd balıq körpələrinin 392,8 milyon ədədi çəkikimilərin, 7,9 milyon ədədi nərəkimilərin, 5,5 milyon ədədi bitki ilə qidalanan balıqların və 0,2 milyon ədədi qızıl balıqların payına düşüb.
