Silahlı Qüvvələrə Yardım Fondunun vəsaiti artıb
Müdafiə Nazirliyi Silahlı Qüvvələrə Yardım Fondunun vəsaitini açıqlayıb. Novator.az bildirir ki, rəsmi hesabata görə, 1 mart 2017-ci ilədək fonda 80,3 milyon manat, 212,7 min ABŞ dolları, 6,2 min avro, 5 min rubl yığılıb.
Bir ayda manatla vəsaitdə artım qeydə alınıb. 1 fevral 2017-ci ilədək fondda 79,5 milyon manat vardı.
Silahlı Qüvvələrə Yardım Fondu prezidentin 17 avqust 2002-ci il fərmanı ilə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
