İstehsalatla əlaqəli hadisələrdə 10 nəfər ölüb
Yanvar-fevral ayları ərzində istehsalatla əlaqəli 30 bədbəxt hadisə (o cümlədən qrup halında baş vermiş 1 hadisə) qeydə alınıb. Əmək və Əhalinin Sosial Müdafiəsi Nazirliyi bildirir ki, hadisələr nəticəsində 10 nəfər həlak olub, 22 nəfər xəsarət alıb.
İstehsalatla əlaqəli bədbəxt hadisələr əsasən tikinti, mədən, emal, enerji, nəqliyyat sektorunda baş verib.
